Աշխարհում պոլիտրավմաների աճ է նկատվում

Այսօր Մխիթար Հերացու անվան Երևանի պետական բժշկական համալսարանում մեկնարկեց «Պոլիտրավմաների բուժման կազմակերպումը» խորագրով համաժողովը, որին մասնակցում են հանրապետության և Ռուսաստանի այս ոլորտի մասնագետներ:

Համաժողովի ժամանակ լրագրողների հետ զրույցում առողջապահության նախարար Հարություն Քուշկյանն ասաց, որ այս համաժողովի ընթացքում տեղի է ունենալու փորձի և մտքերի փոխանակում, ինչն էլ թույլ կտա ոլորտում դրական առաջընթացների հասնել:

«Մեր դիտարկումները ցույց են տվել, որ ինչպես մեր երկրում, այնպես էլ ամբողջ աշխարհում պոլիտրավմաների աճ է նկատվում ու դրա հետևանքով` մահացածության և հաշմանդամության տոկոսի բարձրացում: Այսինքն մենք անելիքներ ունենք ու առողջապահության նախարարությունը դրա համար էլ նախաձեռնեց այս կոնֆերանսը, որ մենք կարողանանք մոտեցումները փոխել, նոր չափորոշիչներ ստեղծել, որ հնարավոր լինի լիարժեք օգնել պոլիտրավմաներով հիվանդներին»,-ասաց Հ. Քուշկյանը:

Բացի այդ, նախարարը նշեց, որ պոլիտրավմաների դեմ պայքարի առումով նախարարությունը համագործակցում է նաև այլ գերատեսչությունների, մասնավորապես, ոստիկանության հետ: Ինչպես նախարարը նշեց, խոսքը վերաբերում է ճանապարհային ոստիկանության` հետիոտների ճանապարային կանոնների չխախտելու մասին օրենքի կիրառմանը: Այս օրենքը, ըստ Հ Քուշկյանի, կնպաստի պոլիտրավմաների թվի նվազմանը, քանի որ դրանց հիմնական տոկոսը գրանցվում է ճանապարհատրանսպորտային վթարների պատճառով: Իսկ համաժողովի մասնակից, 2-րդ բուժմիավորման վնասվածքաբանության ծառայության ղեկավար Բագրատ Բավեյանը նշեց, որ պոլիտրավմաները մեծ ծավալներ են կազմում, հիմնականում դրանք ավտովթարների ու արտադրական տրավմաների պատճառող առաջացած վնասվածքներն են:

Վնասվածքաբանը նույնպես այսօրվա համաժողովը շատ կարևորեց ու նշեց, որ պոլիտրավմայի բուժման կազմակերպումն էտապային է և շատ կարևոր է դոորդինացնել այն: Նշենք, որ պոլիտրավմաներ դեպքում, մահվան ելքերը նվազեցնելը, բուժման արդյունավետությունը կախված է հենց էտապային բուժման կարևորությունից:

Հարցեր, պատասխաններ, մեկնաբանություններ